cep

Cep, m. Est un instrument fait de deux pieces de bois entaillées sur le bord, en mesme endroit lesquelles joinctes detiennent les pieds, ou les mains, ou les quatre ensemble du malfaicteur qui y est mis. C'estoit au premier une maniere de prison et detention des criminels, tant que leur proces leur fust parfait jusques à jugement diffinitif inclusivement. Et celuy qui en avoit la garde et le regard, estoit appelé Cepier, que nous appellons geolier, Numellae, Depuis on en a usé pour une punition infamatoire si qu'il y a eu des Ceps, les entailleures desquels detenoient le col du condamné à subir l'ignominie du Ceps, presques ainsi que fait aujourd'huy le carcan, selon ce on disoit estre condamné ou mis aux Ceps, c'est à dire à l'ignominie des Ceps, Nexum inire Bud. ex Liuio, Ce qui est dit en pluriel, parce que le Cep est fait de deux pieces de bois ainsi mortaisées que dit est, lesquelles joinctes sont retenues par un lien de fer ou autre chose, tant qu'on les vueille deserrer et ouvrir, l'Italien les nomme aussi en pluriel Ceppi, que Philippe Venuti interprete, Ceppi da piedi quali si pongono a prigionieri, et le rend par Pedicae, Compedes, et Cippus, et entend les Ceps estre une detention plus rigoureuse des criminels, tout ainsi que les manottes de fer, et les fers qu'en leur met aux mains et aux pieds, l'un et l'autre viennent de Cippus, dont les anciens Gaulois appeloient

Thresor de la langue françoyse. Jean Nicot.